Studieplan teatervitskap master

Fagomtale

Masterstudiet i teatervitskap er forankra i ei humanvitskapleg og estetisk-hermeneutisk fagtradisjon. Gjennom studiet skal studenten få fordjupa forståing for teater som kunstnarisk uttrykk i samfunnet. Studiet skal gje innsikt i og fortrulegheit med nyare teoriar og metodar i teatervitskapen. Studiet skal gje god innsikt i vitskaplege problemstillingar og metode i forhold til fagets systematiske områder. Mastergradstudiet skal til saman gje 120 studiepoeng.

Opptaksgrunnlag

Masterstudiet er tilgangsregulert. Hovudopptaket er om hausten men det er og mogeleg å søke om opptak med studiestart om våren. Søknadsfristen for haustsemesteret er 15.juni og 1. desember for vårsemesteret. Søknadsskjema kan man få ved å vende seg til Informasjonssenteret på HF, HF-bygget 1. etasje.

Masterstudiet i teatervitskap byggjar på oppnådd bachelorgrad med 90 studiepoeng spesialisering i teatervitskap. Studentar som har oppnådd bachelorgraden med annan studiebakgrunn, kan søkje om særskild opptak på mastergraden i teatervitskap.

På masterstudiet vil det vere ei føremon om studentane i tillegg til engelsk meistrar eit minimum av tysk og/eller fransk.

Emneoversikt

Masterstudiet i teatervitskap er bygd opp med ein kursdel på 60 studiepoeng og ei masteroppgåve på 60 studiepoeng. I kursdelen er 45 studiepoeng knytt til obligatoriske emne og 15 studiepoeng knytt til valfritt emne.

Kode	Namn	Stp	Sem.	Obligatorisk
TEAT301	Historiografi og vitskapsteori	15	H	Ja
TEAT302	Prosjektskildring	15	H	Ja
TEAT303	Teoretisk fordjuping i eit systematisk område	15	V	Ja
TEAT311	Seminarinnlegg innafor sjølvvalt område	15	H/V	Valfri
TEAT312	Innlegg på ekskursjon organisert av seksjonen	15	H/V	Valfri
TEAT313	Prosjektarbeid i feltet	15	H/V	Valfri
TEAT350	Masteroppgåve	60	V/H/V	Ja

Fullstendig oversikt over innhaldet i emna finn ein under emneomtalane.

Masterstudentar i teatervitskap kan få innpassa enkeltemne på masternivå frå andre fag som valfritt emne (15 studiepoeng) i mastergraden i teatervitskap. Eksempel på slike fag er kunsthistorie, ålmenn litteraturvitskap, medievitskap og kulturvitskap. Innpassing av emne frå andre fag må godkjennast av seksjonen før studenten kan melde seg til eksamen i emnet (førehandsgodkjenning).

Masterstudentar i teatervitskap kan få innpassa studiepoeng på masternivå frå andre norske eller utanlandske lærestader etter prinsippet tid for tid som valfrie studiepoeng eller som tilsvarande eit obligatorisk emne i mastergraden. Utvekslingsopplegg skal godkjennast av seksjonen før utvekslinga finn stad (førehandsgodkjenning).

Kontrakt og studieprogresjon

Studentar som vert tekne opp som masterstudentar skal underteikne kontrakt med det historisk-filosofiske fakultet. Kontraktane regulerer studenten sine rettar og plikter som masterstudent. Studentar som vert tatt opp på masterstudiet plikter å sette seg inn i kontraktvilkåra.

Masterstudiet er eit fulltids studium over fire semester. Studentar som ynskjer det kan ha 50% studieprogresjon. Endring i studieprosent må meldast til instituttadministrasjonen og til rettleiar. Studentar som ynskjer permisjon frå masterstudiet må søke om dette. Søknad sendas til fakultetet.

Når studentane har avlagt eksamen i TEAT302 får dei tildelt rettleiar. Tildeling av rettleiar skal normalt finne stad ved slutten av fyrste semester. Studentane har rett og plikt til å ta imot rettleiing i inntil fire semester. Vilkåra for rettleiing finn ein i ein eigen kontrakt som student og rettleiar underskriv.

Organisering av dei enkelte studiekomponentar i studieløp over fire semester vert foreslått slik ved opptak om hausten:

1.semester HAUST	2.semester VÅR	3.semester HAUST	4.semester VÅR
TEAT 301	TEAT 303	TEAT311-313 (valfritt emne)	TEAT 350 mastergradsoppgåve
TEAT 302	TEAT 350 mastergradsoppgåve	TEAT 350 mastergradsoppgåve	TEAT 350 mastergradsoppgåve

Alternativt studieløp for studentar som tas opp om våren:

1.semester VÅR	2.semester HAUST	3.semester VÅR	4.semester HAUST
TEAT 303	TEAT 301	TEAT 350 mastergradsoppgåve	TEAT 350 mastergradsoppgåve
TEAT311-313 (valfritt emne)	TEAT 302	TEAT 350 mastergradsoppgåve	TEAT 350 mastergradsoppgåve

Studieløp 1, med 1. semester haust, anbefalast.

Studiet vil etter at endeleg mastergradseksamen er greidd gje graden Master of Arts i teatervitskap.